सबै सामाजिक सञ्जाललाई सरकारी सुचीकरणमा आउन आव्हान

सञ्चार तथा सूचना प्रविधि मन्त्रालयका सचिव राधिका अर्यालले टिकटक जस्तै अन्य सामाजिक सञ्जाल पनि सूचीकरणमा आउनस पर्ने बताएकी छिन् ।

टिकटक डिजिटल प्लेटर्फमले नेपाल सरकार अन्र्तगत सम्बन्धित मन्त्रालयमा सूचीकरण भई सञ्चालनमा आएपछि समाजप्रति उत्तरदायी भएकोमा प्रशंसा गर्दै उनले टिकटकले जस्तै अन्य सामाजिक सञ्जाल प्रयोगकर्तालाई सूचीकरण भई उत्तरदायी भूमिका निर्वाह गर्न अनुरोध समेत गरेकी छिन् ।

काठमाडौँमा मंगलबार मन्त्रालयको समन्वयमा ‘टिकटक’ले आयोजना गरेको ‘डिजिटल सेफ्टी समिट’ कार्यक्रममा सचिव अर्यालले डिजिटल सुरक्षाको हिसाबले टिकटक मर्यादित हुँदैआएको बताईन् । उनले मन्त्रालय समक्ष सूचीकृत भएर टिकटक सञ्चालनमा आउनु सकारात्मक कार्य भएको र अन्य सामाजिक सञ्जाललाई पनि यसरी नै सरकारको सूचीकरणमा आउन आह्वान गरिन् ।

डिजिटल प्लेटर्फमलाई समाजप्रति पारदर्शी, मर्यादित र जवाफदेही बनाउन मन्त्रालयले निरन्तर प्रयास गरिरहेको उनको भनाई थियो । सामाजिक सञ्जाल नियन्त्रण गर्ने सरकारको उद्देश्य नभएर सुरक्षित र मर्यादित बनाउने रहेको सचिव अर्यालले स्पाष्ट पारिन् ।