नेपालमा पहिलो पटक कबड्डी लिगकोको शुरुवात हुने

नेपाली खेलकुद इतिहासमा प्रथम पटक आयोजना हुने लागेको कबड्डी लिगको लोगो सार्वजनिक भएको छ ।

गृहमन्त्री रमेश लेखक तथा एनकेएल आयोजक एस्ट्रोनिक्स म्यानेजमेन्टले लोगो सार्वजनिक गरेका हुन् ।

नेपाली कबड्डी इतिहासमा पहिलो पटक आयोजना हुन लागेको हो । प्रतियोगितामा ६ वटा टिमले सहभागिता जनाउने पक्का भएको आयोजकले जनाएको छ ।

जसमा विराटनगर, जनकपुर, काठमाडौं, पोखरा, बुटवल र धनगढी सहरको नाम छन् । यही सहरको टिम बन्नेछ । लिगको आयोजना मिति भने छिटै सार्वजनिक गरिने आयोजकले जनाएको छ ।

अखिल नेपाल कबड्डी संघले एनकेएल आयोजनाका लागि गत वर्ष माघमा पुरुष एनकेएलको एस्ट्रोनिक्स म्यानेजमेन्टसँग १० वर्षको लागि सम्झौता गरिसकेको छ ।

लामो समयमको तयारीपछि एनकेएलको लोगो र सहभागि हुने टिमको सहरको नाम सार्वजनिक गर्न पाउँदा निकै खुशी लागेको एस्ट्रोनिक्स म्यानेजमेन्टका अध्यक्ष अमित बेदानी र कबड्डी संघका महासचिव अरविन्द झाले बताए ।