स्वास्थ्य बिमा रकम पाँच लाख पुर्याउने सरकारको तयारी छः मन्त्री पौडेल

स्वास्थ्य तथा जनसङ्ख्यामन्त्री प्रदीप पौडेलले स्वास्थ्य बिमाको रकम बढाएर पाँच लाख पुर्याउने बताएका छन् ।

तत्कालिन स्वास्थ्य मन्त्री गगन थापाको पालमा शुरु भएको विमा कार्यक्रम परिमार्जन गर्ने तयारीमा मन्त्रालयले काम शुरु गरेको जानकारी दिँदै उनले रु. एक लाखको स्वास्थ्य बिमालाई बढाएर पाँच लाख पुर्याउने योजना रहेको जानकारी दिएका हुन् ।

पर्वत अस्पतालको निरीक्षण तथा डिजिटलाइजेशन उद्घाटन समारोहलाई सम्बोधन गर्दै मन्त्री पौडेलले औषधिमा फार्मेसी व्यवसायी र कम्पनीबाट भइरहेको मनोमानी अन्त्य गर्नका लागि मूल्य समायोजन गर्ने प्रक्रिया अन्तिम चरणमा पुगेको समेत बताए

सरकारले मूल्य समायोजन गरेपछि सोही मूल्यसूचीका आधारमा मुलुकभर औषधि खरिद बिक्री हुने र बिरामी ठगिन नपर्ने उनको भनाइ छ । औषधिको मूल्य समायोजनको कार्य अन्तिम चरणमा पुगेको समेत जानकारी दिए ।