सोलुदुधकुण्ड नगरपालिकालाई ६५ लाख बढीको सहयोग

सोलुदुधकुण्ड नगरपालिकालाई नगर सौन्दर्यकरणका लागि ५० हजार अमेरिकी डलर बराबरको सहयोग प्राप्त भएको छ ।

आज नगरपालिकाका मेयर नाम्गेल जाङबु शेर्पा र बैदेशिक दातृ निकाय सोलु चाम, फ्रान्सका अध्यक्ष पिट्रे हौउई बिच नगरपालिका सौन्दर्यकरणका लागि करिब ६५ लाख नेपाली रुपैंया बराबरको सहयोग सम्झौतामा हस्ताक्षर भएको हो ।

सो रकम सोलुदुधकुण्ड नगरपालिकालाई सफा, सुन्दर र हरियाली नगरको रुपमा विकास गर्न खर्च गरिने नगरपालिकाका प्रवक्ता फुर्वा ग्याल्जेन शेर्पाले जानकारी दिए । प्रवक्ता शेर्पाका अनुसार सो सहयोग रकम नगरपालिकामा फलफूल खेती गर्न चाहने कृषकहरुलाई फलफूलका बिरुवा वितरण गर्न समेत खर्च गरिने छ ।