नेपाली महिला क्रिकेट टिम विश्वकप र एसिया कपका लागि छनौट

यु १९ नेपाली महिला टोलीले विश्वकपका साथै यु १९ एसिया कपका लागि पनि छनोट भएको छ ।

बुधवार युनाइटेड अरब इमिरेट्स(युएई) लाई ८ विकेटले पराजित गर्दै नेपाल विश्वकपका लागि छनोट भएको हो । विश्वकपका साथ नेपालले आगामी महिना एसिसीको आयोजनामा हुन लागेको पहिलो संस्करणको यु १९ महिला एसिया कपका लागि समेत छनोट भएको छ ।

१४ देखि २१ डिसेम्बर सम्म मलेसियामा आयोजना हुने यु १९ एसिया कपमा नेपाल सहित ६ राष्ट्रको सहभागीता रहनेछ । सहभागी ६ राष्ट्रलाई दुई समूहमा विभाजन गरिएको छ । समूह विभाजनमा नेपाल समूह बी मा रहेको छ ।

यस समूहमा नेपालका अलावा पाकिस्तान र भारत रहेका छन् । समूह ए मा भने श्रीलंका, बंगलादेश र आयोजक मलेसिया रहेका छन् ।