थुलुङदुधकोशीका सबै बिद्यालयको प्रोफाईल निर्माण हुने

थुलुङ दुधकोशी गाउँपालिका, सोलुखुम्बुले बिद्यालय प्रोफाईल निर्माण गर्ने भएको छ ।

गाउँपालिकाको बुधबार सम्पन्न कार्य पालिका बैठकले पालिका अन्र्तगत रहेका ३६ वटा बिद्यालयको बिद्यालय प्रोफाईल निर्माण गर्ने निर्णय गरेको हो । गाउँपालिका अध्यक्ष असिम राईको अध्यक्षतामा सम्पन्न बैठकले नै सम्पुर्ण बिद्यालयको ECED देखी कक्षा ३ सम्म Disability Screening गर्ने निर्णय गरेको प्रमुख प्रशासकिय अधिकृत प्रशन्नदिप राईले जानकारी दिए ।

बैठकले घर नक्सा पास सञ्चालन तथा व्यवस्थापन सम्बन्धी कार्यको लागि वडा नम्बर ७ का वडा अध्यक्ष एवं प्रवक्ता भोजराज कार्कीको संयोजकत्वमा तीन सदस्यीय समिति गठन गरेको छ । गाउँपालिका भित्रका घरहरूलाई वैज्ञानिक दर्ता प्रणालिमा समेट्दै ब्यवस्थित गर्ने प्रयोजनार्थ गठित उक्त समितिले १५ दिनभित्र कार्ययोजना सहितको प्रतिवेदन पेश गर्ने संयोजक कार्कीले जानकारी दिए ।