कुवेत बिरुद्धको क्रिकेटमा नेपाली चेलिको सानदार जित

साझा प्रेस
0
Shares

नेपाली महिला क्रिकेट टिमले कुवेतलाई १ सय ६५ रनले पराजित गरेको छ । युएईमा जारी आईसिसी महिला यु १९ टि ट्वान्टी विश्व कप एसिया छनोटमा नेपाली कप्तान पूजा महतोको कीर्तिमानी शतक तथा महत्वपुर्ण ५ विकेटको सहयोगमा नेपालले कुवेत माथि सहज जित हासिल गरेको हो ।

नेपालले पहिलो ब्याटिङ गर्दै कुवेत सामु प्रस्तुत परेको २ सय १४ रनको विशाल लक्ष्य पछ्याएको कुवेतले १३ ओभरमा अल आउट हुँदै ४८ रन मात्र बनाउन सक्यो ।

प्रतियोगिताको इतिहासमा नै पहिलो शतक बनाएकी पूजाले ६९ बलमा १७ चौकाको सहयोगमा नट आउट १ सय ३० रन बनाइन् । पूजाले ५७ बलमा १२ चौकाको सहयोगमा शतक पूरा गरेकी थिइन्।

प्रतियोगिताको दोस्रो संस्करण जारी रहँदा कुनै पनि खेलाडीले शतक पूरा गरेको यो पहिलो पटक हो ।

कात्तिक २९ गते सम्म चल्ने प्रतियोगितामा नेपाल, घरेलु टोली, कुवेत र थाइल्याण्डको सहभागिता छ । नेपालको अन्तिम खेलमा कात्तिक २८ गते युएईसँग रहेको छ ।