महिला टि–२० विश्वकपको एसिया छनोटमा नेपाल र कुवेत बिचको खेल शुरु

आइसिसी यु–१९ महिला टि–२० विश्वकपको एसिया छनोटमा नेपालले आज आफ्नो पाचौँ खेल कुवेत बिरुद्ध खेल्दैछ ।

युनाइटेड अरब इमिरेट्स (युएई) को अजमानस्थित द सेभेन स्टेडियममा शुरु भएको खेलमा नेपालले ब्याटिङ गरिरहेको छ । यो समाचार तयार पार्दासम्म नेपालले १० ओभरमा २ विकेट गुमाउदै १०१ रन बनाएकाे छ ।

नेपालले यसअघि तीन खेलमा जित हासिल गरेको छ, भने एक खेलमा पराजित भएको छ । प्रतियोगिताको पहिलो खेलमा नेपालले थाइल्याण्डलाई ६७ रनको फराकिलो अन्तरले पराजित गरेको थियो । यस्तै, दोस्रो खेलमा कुवेतलाई एक सय आठ रनले हराएको थियो ।

नेपालले तेस्रो खेल शनिबार घरेलु टोली युएईसँग खेलेको थियो । उक्त खेलमा १३ रनले पराजित भएको थियो । चौथो खेलमा आइतबार थाइल्याण्डलाई १०६ रनले पराजित गरेको थियो ।

छनोट खेलमा आयोजक युएईसहित नेपाल, कुवेत र थाइल्याण्ड सहभागी छन् । सहभागी चार टोलीमध्ये शीर्ष स्थान हासिल गर्ने टोली सन् २०२५ मा मलेसियामा हुने विश्वकपका लागि छनोट हुनेछ ।