भैरहवामा कतार एयरवेजको पनि उडान थपियो

त्रिभुवन अन्र्तराष्ट्रिय बिमानस्थलमा मर्मतका लागि उडान कटौती हुँदै गर्दा भैरहवास्थित गौतम बुद्ध अन्र्तराष्ट्रिय विमानस्थलमा कतार एयरवेजले दैनिक उडान तालिका सार्वजनिक गरेको छ ।

आज कतार एयरवेज दोहाबाट २ः४५ बजे भैरहवा आउने छ भने त्यसपछि काठमाडौं प्रस्थान गर्नेछ । कतारले काठमाडौंबाट दैनिक ३ उडानको अनुमति पाएको छ ।

गौतमबुद्ध अन्तर्राष्ट्रिय विमानस्थलका महाप्रबन्धक प्रतापबाबु तिवारीका अनुसार कतारले दैनिक एक उडान दोहा–भैरहवा–काठमाडौं रुटमा गर्ने गरी अनुमति लिएको छ ।

भैरहवामा उडान गर्ने कतार अब पाँचौ कम्पनी बनेको छ । यसअघि नेपाल एयरलाइन्स, फ्लाई दुबई, जजिरा र थाई एयर एसियाले भैरहवाबाट उडान थालिसकेका छन् ।

कतार एयरवेजले दैनिक दुई उडान काठमाडौं र एउटा भैरहवाबाट गर्नेछ । विमानस्थलमर्मत सुरु हुनुअघि कतारले काठमाडौंमा दैनिक चार उडान भर्दै आएको थियो ।