विश्वले अहिले जलवायु परिवर्तनको चर्चा मात्र होईन यसका प्रत्यक्ष असरको सामना गर्न थालेको छ । अझ बढी त जलवायु परिवर्तनको मारमा नेपाल विश्वका अन्य राष्ट्रभन्दा बढी परेको छ । यस बर्षमात्र खुम्बु क्षेत्रको थामेमा हिम पहिरो पछि हिम ताल फुटेर आएको बाढीले मच्चाएको बितण्डा, बर्षायाम सकिएपछि काठ्माण्डौ लगायत देशका पुर्व तथा मधेस क्षेत्रमा भारी बर्षात पछि आएको बाढीको प्रकोप, मानविय तथा भौतिक क्षति, भुक्षय, मौषममा आएको परिवर्तन लगायत जलवायु परिवर्तन कै असर हो ।
यस्तै जोखिमका बिषयमा छलफल गरी समाधानका बाटो पहिल्याउन आजबाट अजरबैजानको बाकुमा जलवायु परिवर्तनसम्बन्धी संयुक्त राष्ट्रसङ्घीय संरचना महासन्धि (युएनएफसीसीसी) का पक्ष राष्ट्रहरुको २९औँ सम्मेलन (कोप–२९) सुरु भएको छ । नोभेम्बर २२ तारिख तदनुसार मङ्सिर ७ गतेसम्म चल्ने सम्मेलनमा भाग लिन नेपालका तर्फबाट राष्ट्रपति रामचन्द्र पौडेल सहितको उच्चस्तरिय टोलि आइतबार बाकु प्रस्थान गरिसकेको छ ।
उनले यस वर्षको कोपमा हिमाल र पृथ्वीको सुरक्षाका लागि आवाज उठाउँदै छन् । एक सय ९२ भन्दा बढी मुलुकहरुको राष्ट्र प्रमुखदेखि उच्च पदस्थ अधिकारीहरु सामु राष्ट्रपति पौडेलले हिमालको सुरक्षाको मुद्दालाई प्राथमिकताका साथ प्रस्तुत गर्ने कार्यक्रम तय भएको राष्ट्रपतिकोे सचिवालयले जनाएको छ । सचिवालयका अनुसार उनले जलवायु परिवर्तनको असरका कारण बढेको जोखिमका उदाहरण प्रस्तुत गर्दै छन् ।
जलवायुजन्य जोखिम न्यूनीकरण गर्न र मुलुकको समग्र हितका लागि सरकारले मुख्य छ वटा एजेण्डालाई उच्च प्राथमिता दिएर नेपाली प्रतिनिधिहरु कोपमा उपस्थित भइरकेका छन् । वन तथा वातावरण मन्त्रालयका अनुसार जलवायु वित्त, जलवायुजन्य हानी नोक्सानी, न्यूनीकरण कार्बन व्यापार, उत्सर्जन मापन, पर्वतीय मुद्दा प्रविधि र क्षमता अभिवृद्धि, जलवायु परिवर्तन अनुकूलन, समावेशिताको छ वटा विषयगत कार्यपत्र तयार भएको जानकारी दिएको छ ।
गत वर्ष युएइको दुबईमा भएको कोप–२८ मा स्थापना गरिएको जलवायुजन्य हानी–नोक्सानीसम्बन्धी कोषको प्रभावकारी कार्यान्वयनका लागि दबाब दिने तयारी भइरहेको छ ।
प्रतिक्रिया