सगरमाथा क्षेत्रको सञ्चार सेवामा सुधार (फोटो सहित)

सगरमाथा क्षेत्रको सञ्चार सेवामा सुधारका संकेतहरु देखिएका छन् । नेपाल टेलिकम तथा खुम्बु पासाङल्हामू गाउँपालिका, सोलुखुम्बुको प्रयासमा पछिल्लो समयमा सगरमाथा क्षेत्रको सञ्चार सुविधामा सुधार आएको हो ।

वडा नं. ४ का अध्यक्ष लक्ष्मण अधिकारीका अनुसार केही समयअघि सोही गाउँपालिकाको वडा नं. ५ थामेमा आएको बाढीका कारण अबरुद्ध भएको सञ्चार पुनः सेवा सुचारु भएको छ ।

उनका अनुसार स्याङ्बोचेमा BTS मास्टर station स्थापना भएको छ । बाढीले क्षतिग्रस्त थामे क्षेत्रमा Line of Site नभएता पनि SYB बाट लगिएको फाइबरले आर्य तथा छु–रेल्मो थ्ञबोको तटीय क्षेत्रसम्म 4G coverage हुने अध्यक्ष अधिकारीले जानकारी दिए । उता फोर्छे र आसपासका क्षेत्र फोर्छेमा रहेको टावरले केही समय पहिले नै सेवा दिंदै आएको छ ।

सञ्चार सेवालाई प्रभावकारी बनाउन नेपाल टेलिकमका तर्फबाट प्राविधिक उपकरणको उपलब्धता, जडान तथा सेवा संचालनका प्रक्रियामा सहयोग गरेको छ भने ढुवानीका लागि खुम्बु पासाङ्ल्हामु गाउँपालिकाले बजेट उपलब्ध गराएको छ ।

अझै पनि सगरमाथा क्षेत्रका भरी नै सञ्चारको भरपर्दो सेवा उपलब्ध गराउन नेपाल टेलिकम तथा अन्य निकायसँग पनि समन्वय भईरहेको पालिकाले जनाएको छ ।