घाईते जापानिज पर्यटकको उद्धार

साझा प्रेस
100
Shares

सगरमाथा क्षेत्र भ्रमणमा आएका एक जापानिज नागरिकको नेपाल प्रहरीले उद्धार गरेको छ । ५८ वर्षिय जापानिज नागरिक Mitsugu Shishido लडेर घाईते भएको अवस्थामा प्रहरीले उद्धार गरेको हो ।

सोलुखुम्बुको खुम्बु पासाङल्हामू गाउँपालिका ४ स्थित खुम्बिला पास गर्न भनि हिडेका Shishido बाटो भुलि हराएको भन्ने खबर प्राप्त गरेपछि अस्थाई प्रहरी चौकी, दिङबोचेबाट खटि गएको प्रहरी टोलीले खोजी गर्दै जाँदा उनलाई लडेर घाईते भएको अवस्थामा भेटिएको चौकीका प्रहरी हवल्दार शिव अधिकारी जानकारी दिए ।

ती नागरिकको टाउको तथा खुट्टामा सामान्य चोट लागेकाले उनलाई दिङबोचे क्लिनिकमा उपचार पश्चात स्थानिय होटलमा राखिएको तथा उनको हालको अवस्था सामान्य रहेको जिल्ला प्रहरी कार्यालय, सोलुखुम्बुले जनाएको छ ।

हाल सगरमाथा क्षेत्र भ्रमणका लागि आउने सम्पुर्ण पर्यटकको ब्यक्तिगत अभिलेख राख्ने तथा उनिहरुको ट्रयाकिङ समेत गरिने भएकाले बिगतमा झैं पर्यटक वेपत्ता हुने, खोजि तथा उद्धार कार्यमा आउने समस्या न्युनिकरण भएको छ ।