‘ताण्डवम्’ भ्यालेन्टाइन डेमा रिलिज हुने

जुनिम गहतराजको पहिलो निर्देशित चलचित्र ‘ताण्डवम्’ भ्यालेन्टाइन डेको दिन प्रदर्शनमा आउने भएको छ ।

नेपाली चलचित्र क्षेत्रमा कलरिष्टका रुपमा नाम कहलिएका गहतराजको पहिलो निर्देशित चलचित्र फागुन २ गते प्रर्दशनका लागि मिति घोषणा गरिएको हो । मिति घोषणसँगै चलचित्रको थिम पोस्टर समेत सार्वजनिक भएको छ ।

अनिरुद्द आत्रेय र हुसेनको लेखन (कथा, पटकथा तथा संवाद) रहेको फिल्मलाई धन कुमारी गहतराज, सविना मगर र मनिष गौतमले निर्माण गरेका हुन् । फिल्ममा अंकित खड्का, पुस्कर गुरुङ, प्रेम सुब्बा, अनोज पाण्डे, सरिना मगर, जुनीम गहतराज लगायतको अभिनय छ । यसमा हरि घले लामाको छायांकन तथा सम्राट बस्नेतको द्वन्द्व निर्देशन छ ।