‘ह्रस्व दीर्घ’ को टिजर सार्वजनिक

साझा प्रेस
50
Shares

नयाँ नेपाली चलचित्र ‘ह्रस्व दीर्घ’को टिजर सार्वजनिक भएको छ । फुलपातिको अवसर पारेर युट्युव मार्पmत सार्वजनिक भएको टिजरमा कथाले चलचित्रमा देखाउन खोजेको मुख्य मुख्य दृश्यलाई दर्शाउन खाजेको छ ।

चलचित्रमा नेपाली र दक्षिण भारतीय चलचित्र (साउथ) का कलाकारहरुको पल्टन नै रहेको छ । एउटै नक्षत्र, ग्रह र भाग्य भएका प्रेम जोडीको सम्बन्ध र उनीहरुको जीवनमा आउने आरोह–अवरोहलाई चलचित्रमा दर्शाउन खोजिएको छ ।

अभिनेता हरिहर अधिकारी र अभिनेत्री नीता ढुंगाना प्रेम जोडीको रुपमा प्रस्तुत छन् । हरिहरको अर्की अभिनेत्री गरिमा शर्मासँग पनि प्रेम देख्न सकिन्छ । अभिनेत्री विपना थापाको ‘इन्ट्री’ले भने राजनीतिज्ञको छनक दिन्छ । अर्की अभिनेत्री रेखा थापा नामी ज्योतिषको भूमिकामा देखिएकी छन् । टिजरमा साउथका कलाकारहरु ब्रह्मानन्दम, अली, सुनिल वर्मा, प्रदीप रावत, कबीर दुहन सिंहलाई पनि स्थान दिइएको छ । ज्योतिषशास्त्रसँग जोडेर फिल्मको कथा बुनिएको टिजरले प्रष्ट पार्छ ।

चन्द्र पन्तको डेब्यु निर्देशनमा तयार भएको फिल्ममा सञ्चिता लुइँटेल, सरोज खनाल, किरण केसी, बुद्धि तामाङ, गरिमा शर्मा, रवीन्द्र झा, नरेन खड्का, आदर्श मिश्र लगायतको पनि अभिनय छ । नीता फिल्मस्को प्रस्तुतिमा निर्माण भएको ‘ह्रस्व दीर्घ’को कार्यकारी निर्मातामा धनन्जय गलानी रहेका छन् ।

आगामी कात्तिक ३० गतेबाट प्रदर्शनमा आउन लागेको यो फिल्म नेपाली, तेलुगु र हिन्दी गरी तीन भाषामा रिलिज हुने जनाइएको छ ।