काभा भलिबलमा नेपालको दोश्रो जित

मंगलबार भएको खेलमा माल्दिभ्सलाई ३–० को साझो सेटमा पराजित गर्दै नेपालले प्रतियोगिताको दोश्रो जित हासिल गरेको छ । नेपाली युवा टोलीले काभा यु २० पुरुष भलिबल माल्दिभ्सलाई हराएको हो ।

यसअघि पहिलो खेलमा नेपालले घरेलु टोली‌ श्रीलंकालाई ३–० को सोझो सेटमा पराजित गरेको थियो । तर, दोस्रो खेलमा भने उज्वेकिस्तानसँग ३–१ ले पराजित भएको थियो ।

असोज २६ गतेसम्म कोलम्बोमा हुने प्रतियोगितामा नेपालले चौथो खेलमा असोज २४ मा किर्गिस्तानसँग खेल्नेछ । नेपालले पाँचौ खेलमा असोज २५ मा तुर्किमेनिस्तानसँग खेल्नेछ ।

प्रतियोगिताको शीर्ष दुईमा रहने टोलीबीच फाइनल खेल हुनेछ ।