इडब्लुभिएको उपाधि कर्णालीलाई

अपराजित रहँदै कर्णाली यश्वीजले फ्रेन्चाइज भलिबल लिग वात्सल्य एभरेष्ट महिला भलिबल लिग (इडब्लुभिए) को उपाधि जितेको छ ।

त्रिपुरेश्वरस्थित राष्ट्रिय खेलकुद परिषद्को कभर्ड हलमा शनिवार भएको फाइनल खेलमा ललितपुर क्विन्सलाई कर्णालीले ३–२ ले हराउँदै उपाधि जितेको हो ।

प्रतियोगितामा अपराजित रहँदै फाइनलमा पुगेको कर्णालीले उपाधि जित्ने सम्भावना तुलनात्मक रूपमा बढी थियो । लिग चरणमा पनि ललितपुरलाई कर्णालीले हराएको थियो ।