महाकुलुङमा १५ सैयाको अस्पताल संचालनको तयारी

सोलुखुम्बु जिल्लाको महाकुलुङ गाउँपालिकामा १५ सैयाको अस्पताल चाँडै संचालनमा आउने भएको छ । संघिय सरकारबाट प्राप्त २२ करोड रुपैंयामा लागतमा गाउँपालिका निर्माण भएको प्राथमिक अस्पतालबाट सेवा सुचारु हुने चरणमा पुगेको हो ।

लुम्बिनी कन्सट्रक्सनले ठेक्का प्राप्त गरी निर्माण कार्य शुरु गरेको सो प्राथमिक अस्पतालको निर्माण कार्य सम्पन्न भएपश्चात अब चाँडै नै सेवा शुरु गर्ने तयारी भईरहेको गाउँपालिका अध्यक्ष सुर्य कुलुङले जानकारी दिए । पालिकामा सुविधायुक्त स्वास्थ्य संस्था नहुँदा सामान्य उपचारका लागि पनि सल्लेरी वा राजधानी लगायतका स्थान जानु पर्ने बाध्यताको अन्त्य हुने आशा गाउँपालिकाले लिएको छ ।

१९ जना स्वास्थ्यकर्मीको दरबन्दी भएको उक्त अस्पतालबाट शल्यक्रिया सहितको सेवा सुरु गर्ने योजना रहेको अध्यक्ष कुलुङले बताए । महाकुलुङको भौगलिक कठिनाई तथा स्थानिय स्रोत साधनको आधारले मात्रै अस्पताल सञ्चालन गर्न भने चुनौतीपुर्ण रहेको छ ।