५० लाख बराबरको सुन सहित दुईजना पक्राउ

५० लाख रुपैंया बराबरको सुन सहित बुटवलमा दुईजना पक्राउ परेका छन् ।

मंगलबार रुपन्देही प्रहरीले करिब ५० लाख रुपैंया मुल्य बराबरको सुन सहित कपिलवस्तु वाणगंगा नगरपालिका–८ का ३३ वर्षीय अकबर अलि मिया र सोही नगरपालिकाका वडा नम्बर ७ का ३७ वर्षीय अर्घाखाँची सुनचाँदी पसलका संचालक सन्तोष सुनारलाई पक्राउ गरेको हो ।

कपिलवस्तुबाट काठमाडौंतर्फ आउँदै गरेको बसमा राजश्व छलेर सुन ल्याइएको सूचनाका आधारमा नेपाल प्रहरीको टोलीले उनीहरुलाई पक्राउ गरेको रुपन्देहीका सूचना अधिकारी एवं डीएसपी लक्ष्मी खनालले जानकारी दिइन् ।

बरामद सुन र पक्राउ परेका व्यक्तिहरुलाई थप अनुसन्धानका लागि राजस्व अनुसन्धान कार्यालय बुटवल पठाइएको प्रहरीले जनाएको छ ।