बङ्गलादेश साफ च्याम्पियनशिपको फाइनलमा

भुटानलाई हराउँदै बङ्गलादेश दक्षिण एशियाली फुटबल महासङ्घ (साफ) महिला च्याम्पियनशिप फुटबलको फाइनलमा पुगेको छ ।

त्रिपुरेश्वरको दशरथ रङ्गशालमा आज भएको पहिलो सेमिफाइनलमा बङ्गलादेशले भुटानलाई ७-१गोलले हरायो । बङ्गलादेशकी तोहुरा खातुनले ह्याट्रिक गरिन् ।

साफ महिला च्याम्पियनशिपको दोस्रो सेमिफाइनलमा अहिले बेलुकी साढे ६ बजे नेपाल र भारत खेल्दैछन् । नेपाल समूह ’बी’ को विजेता बन्दै र भारत समूह ’ए’ को उपविजेता बन्दै सेमिफाइनलमा पुगेका हुन् ।

प्रतियोगिताको फाइनल खेल आउँदो बुधवार हुनेछ ।