नेपाली बजारमा सुन तथा चाँदीको मुल्यले नयाँ रेकर्ड कायम गर्ने क्रम निरन्तर छ ।
अन्तर्राष्ट्रिय बजारमै सुनको मूल्य बढेपछि नेपालमा आज सुनको मूल्य १ लाख ६५ हजार ६ सय रुपैंया कायम भएको छ । हिजो बजारमा १ लाख ६५ हजार रुपैंयामा किनबेच भएको सुनको मुल्यमा आज ६ सय रुपैंयाले बृद्धि भएको हो ।
सोमबार नै चाँदीको मूल्यले पनि नयाँ रेकर्ड बनाएको छ । आज चाँदी प्रतितोला २ हजार ९५ रुपैयाँ पुगेको छ । चाँदीको यो मूल्य अहिलेसम्मकै उच्च भएको नेपाल सुनचाँदी व्यवसायी महासंघले जनाएको छ ।
यतिबेला प्रमुख दुई कारणले सुनको भाउ बढाएको छ । पहिलो– मध्यपूर्वी युद्ध र दोस्रो– अमेरिकी चुनावको नतिजा पछि आउन सक्ने अनिश्चितता ।
प्रतिक्रिया