गायक रामकृष्ण ढकालको अष्ट्रे्लियाको सांगीतिक यात्रा

गायक रामकृष्ण ढकाल अस्ट्रेलियाको सांगीतिक टुरमा जाने भएका छन् । सिड्नीस्थित पाल्पा सर्भिसेसले आयोजना गर्ने कार्यक्रममा रामकृष्णले लाइभ बाद्यवादनसहित आफ्ना लोकप्रिय गीतहरु सुनाउनेछन्

एक महिना लामो अस्ट्रेलियाको सांगीतिक यात्रामा सिड्नीका साथै रामकृष्ण ढकालले क्यानबेरा, न्युक्यासल, मेलबर्न लगायतका सहरमा समेत आफ्नो सुमधर आवाजलाई घन्काउने छन् । ‘रामकृष्ण ढकाल अस्ट्रेलिया टुर’ नाम दिइएको सांगीतिक भ्रमणको सुरुवात सिड्नीबाट हुनेछ ।

रामकृष्णले पनि सामाजिक सञ्जालमार्फत खुसी साट्दै भनेका छन्, ‘केही समयको अन्तरालपछि सिड्नी आउँदैछु । मेरा नयाँ र पुराना गीत–संगीतका साथ हाम्रो जमघट हुनेछ । हामी छिट्टै भेट्नेछौं ।’